জয় জয় নন্দনন্দন পৰমানন্দ বন্দো বালগোপালং

ৱিকিউৎসৰ পৰা
Jump to navigation Jump to search


                                       ।।ৰাগঃ সিন্ধুৰা।। তালঃ পৰি।।

                                ধ্ৰুং।। জয় জয় নন্দ-নন্দন পৰমানন্দ
                                        বন্দো বালগোপালং।
                                পদ।। পঙ্কজ-ৰজ অজ বন্দয়
                                        সকল ভুৱন একুপালং।।

                               পদ।। ৰোম বিবৰ মহ কোটি কোটি অণ্ড
                                        যৈচন অণু পৰমাণি।
                                       নন্দনন্দন কতি নাম ধৰত সোহি
                                       ওহি লীলা কোই জানি।।
                                       দীন দয়াল জগত-জন তাৰণ
                                       কাৰণ ওহি অৱতাৰা।
                                      পৰম মুৰুখমতি কহয় মাধৱ দীন
                                      গতি মেৰি নন্দ-কুমাৰা।।