জনানুৰঞ্জন

ৱিকিউৎসৰ পৰা
Jump to navigation Jump to search
জনানুৰঞ্জন
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জনানুৰঞ্জন---
            কোন আজি কৰি জাগ
                        নতুন দিনত

কোনে জ্বলাব জুই
                        নতুন প্ৰাণত৷

তোৰ অভিনৱ গুঞ্জন
            সঞ্জীৱনীৰে কোনে
                        বিকশিত কৰি যাৱ

            জনজীৱনৰে ফুলদল
                        মন্দ্ৰিত কৰিছ কোনে
                                    অগ্নিকমল?

কোনে বজাৱ বাঁহী জনতাৰ মনৰ বনত
            কোন তই উঠ জ্বলি
                        আজি এই অগ্নিক্ষণত?

জনানুৰঞ্জন----
আজি চকুৱে চকুৱে পিন্ধা নতুনৰ
                        জ্যোতিৰূপা অঞ্জন৷৷