জননীৰ সন্তান অজেয় নৱ জোৱান

ৱিকিউৎসৰ পৰা
Jump to navigation Jump to search
জননীৰ সন্তান অজেয় নৱ জোৱান
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


জননীৰ সন্তান---- অজেয় নৱজোৱান
            আজি হ’ব তোৰ
                        সত্যৰ অভিযান
আজি জহি যওক
            কত শতাব্দীৰ
                        গ্লানি অপমান৷

শক্তিহীনতা কাপুৰুষৰ
            তেজৰে উটাই
                        আগবাঢ়ি আহি
                                    শত্ৰু কৰহি কম্পমান৷

যুঁজিব লাগিব
জিনিব লাগিব
                        সত্যৰ মহা ৰণ
            নহ’লে নহ’ব, পৰিত্ৰাণ
জাগ আজি তই সৰ্ব্বতিয়াগি
                        অজেয় নৱজোৱান৷৷