গোপাল গোৱালী পাৰত নাচে

ৱিকিউৎসৰ পৰা
Jump to navigation Jump to search


                                 ।।ৰাগঃ ভাটিয়ালী।। একতাল।।

                             ধ্ৰুং।। গোপাল গোৱালীপাৰাত নাচে।
                                     চৰণ চলাই নূপূৰ বজাই মধুৰ মধুৰ হাসে।।

                             পদ।। পীত ধটি কটি কাচনি কাটিয়া
                                     আগু পাছু লাসে ছাৱে।
                                     বালকৰ ভাৱ দেখায়া কানাই
                                     গোপীৰ মন ভুলাৱে।।
                                     দধি বিকি আসি শুনিল গোৱালী
                                     হৰি নাচিবৰ কথা।
                                     পসাৰ পেলাই লৱৰন্তে যাই
                                     কৃষ্ণক বেৰিল তথা।।
                                     সব গোপী মেলি বাৱে হাত তুলি
                                     বোলে ভাল কৰি নাচা।
                                     হাতে তাৰ খাৰু দিব চিনি লাৰু
                                     বাধু পুৰি তোৰ বাঞ্জা।।
                                     গোপীৰ বচনে বৰ লোভ পাই
                                     নাচল নানান ভাৱে।
                                     কহয় মাধৱ আন গতি নাই
                                     ভজ গোৱিন্দৰ পাৱে।।