কদম্ব তৰু তলে, নবীন-নীৰদ

ৱিকিউৎসৰ পৰা
Jump to navigation Jump to search


                     ।। ৰাগঃ কেদাৰ।। তালঃ পৰি।।

                 ধ্ৰুং।। কদম্ব তৰু তলে, নবীন-নীৰদ, ৰুচিৰ সুন্দৰ শ্যাম।
                         ভুৱন-মোহন, মূৰুতি মনোহৰ, কতিহো নাহি উপাম।।

                 পদ।। ভ্ৰূৰ মনোহৰ নয়ন চঞ্চল
                         বয়ন চান্দ উজোৰ।
                         হাসিতে অমিয়া বৰিষে পেখি সখি
                         জীৱন নাৰহে মোৰ।।
                         কতনা যতনে বিধি নিৰমিল
                         সুন্দৰ কানুক ৰূপ।
                         পেখিতে লাৱণ্য লাজে ভয়ো পুনু
                         কোটি মনমথ চুপ।।
                          ৰতন ভূষণ যৈছে নিৰমল
                          গগণে তাৰা শোহায়।
                          কহয় মাধৱ হামাৰি মজু মন
                          নন্দকু নন্দন পায়।।