আন্ধাৰেদি কোনে

ৱিকিউৎসৰ পৰা
Jump to navigation Jump to search
আন্ধাৰেদি কোনে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত

আন্ধাৰেদি কোনে

        পোহৰ বিচাৰি যায়

কোন বননিৰ সোণ হৰিণাই

        দেও দি দি লৰি

                চক্‌ খাই উঠি

                        ন জোনাবাই চায় ৷


ন জোনাবাইৰ

        জোনাকত কোনে

                জগত ৰূপালী দেখ’

আন্ধাৰত বহি

        পোহৰৰ ৰেখা

                কোনে গণি পঢ়ি লেখ’

                        ন জোনটিৰ বুকুত বাঢ়ে পূৰ্ণিমাৰেই জোন

                মোৰ কবিতা কলিত

                        গন্ধ জাগি

                                দেখিছে মহাসপোন ৷৷