আজু সুপৰভাতে পেখলোঁ মাই

ৱিকিউৎসৰ পৰা


                                   ।। ৰাগঃ আশোৱাৰী।। তালঃ পৰি।।

                                  ধ্ৰুং।। আজু সুপৰভাতে পেখলোঁ মাই।
                                          নয়নক আনন্দ কুসুম কানাই।।

                                  পদ।। নৱঘনশ্যাম পীতাম্বৰ জ্যোতি।
                                         কৌস্তুভকণ্ঠে হাৰ গজমতি।।
                                          শাৰদ-চান্দ কোটি বয়ন বিকাশে।
                                          মদন-চাপ জিনি ভ্ৰূৱ পৰকাশে।
                                          চান্দজ্যোতি জিনি তিলক কপোলে।
                                          কুণ্ডল জলমল অলকা বিলোলে।।
                                          উতপল-ৰাতা নয়নযুগ শোহে।
                                          ঈষত হাসি ৰসে জগজন মোহে।।
                                          সুবলিত চান্দ ময়ূৰপুচ্ছ শিৰে।
                                          গঞ্জয় গজৰাজ গমন গম্ভীৰে।।
                                          ৰতন মঞ্জীৰ দুহো ঝুৰয় পাৱে।
                                          নন্দ-নন্দন গতি মাধৱে গাৱে।।