এই পৃষ্ঠাটোৰ বৈধকৰণ হৈছে
( ৯০ )
চিৰকাল কান্দি থাকা যদি,
আন কৰ্ম্ম কৰি পৰিহাৰ
দিন ৰাতি কৰা খেদ বালীৰ কাৰণে,
তথাপিও নাহিব উলটি বালী।
তোমাৰ দুখৰ বীৰ
হ’লে মই প্ৰধান কাৰণ,
যিমানে কৰিবা দুখ
সিমানে হানিবা শেল মোৰ হৃদয়ত।
সুগ্ৰীৱ। জ্ঞান, বুদ্ধি আকাংক্ষা হিয়াৰ
ভস্মভুত হ’ল আজি
বালীৰ চিতাৰ অগনিত;
প্ৰভু তুমি নিত্য নিৰঞ্জন
দূৰ কৰা হিয়াৰ সন্তাপ।
(স্বৰূপানন্দৰ প্ৰবেশ)
স্বৰূপানন্দ। (গীত)
দেহিমে দেহিমে অনন্ত জীৱন,
তুমি ৰঘুপতি দেৱ যদুপতি
বিতৰা কৰুণা অনাদি চৰণ;
তুমি দয়াময় দেব বিশ্বময়
বৰষা মহিমা ভকত ৰতন।