এই পৃষ্ঠাটোৰ বৈধকৰণ হৈছে
( ৯১ )
দয়াময় অগতিৰ গতি,
নোৱাৰোঁ বুজিব প্ৰভো
তোমাৰ মহিমা;
পাপী মই পাপ মুক্ত কৰা,
দিয়া প্ৰভো পৰ্শ কৰৰ তোমাৰ চৰণ
কৰোঁ মোৰ সাৰ্থক জীৱন।
ৰাম। ভক্ত তুমি,—তুষ্ট হ’লোঁ তোমাৰ ভক্তিত,
ঠাই পাবা বৈকুণ্ঠ পুৰত;
কোন তুমি, কি হেতু আহিলা?
স্বৰূপানন্দ। কিষ্কিন্ধ্যাৰ কুল গুৰু মই,
নামত স্বৰূপানন্দ;
আহিছিলোঁ তজু পদ পূজাৰ কাৰণে
প্ৰজাসৱে কৰে নিবেদন,
সুগ্ৰীৱক ৰজা পাতি
অঙ্গদক যুবৰাজ অভিষেক কৰি
শান্তি পুনু কৰক স্থাপন;—
এয়ে নিবেদন প্ৰভো
কৃপাময় তোমাৰ পদত।
ৰাম। ময়ো কওঁ সেই কথা।
শুনিছা সুগ্ৰীৱ,
