এই পৃষ্ঠাটোৰ বৈধকৰণ হৈছে
(৮৫)
নেথাকিবা কিষ্কিন্ধ্যা দেশত,
কিষ্কিন্ধ্যাত অমঙ্গল জানিবা তোমাৰ।
(হনুমানৰ প্ৰবেশ)
হনুমান আহিছা এতিয়া,
পূৰ্ণ হ’ল তোমাৰ কামনা,
ৰাজ্য ভোগ কৰা আনন্দেৰে
চিৰ-শত্ৰু ঢুকাল তোমাৰ।
হনুমান। কিয় ৰাণী বঢ়োৱা বেজাৰ
সন্তাপিত ভগ্ন হৃদয়ত?
ৰজাৰ অন্ত্যেষ্টি কৰি
সুগ্ৰীৱৰো লাগিছে বেজাৰ,
অনেক কোৱাতো ৰাজ্যমুখে নাহি
আছেগৈ পূৰ্ব্বস্থান মতঙ্গ বনত।
ৰামেও বুজালে, লক্ষাণেও ক’লে,
তথাপিও নেৰিলে বেজাৰ;
ৰামৰ আদেশ মতে,
দিওঁ ৰাণী তোমাক প্ৰবোধ,
কৰ্ম্মৰ ফলত মৰিল তোমাৰ পতি
কৰ্ম্মৰ ফলত
হ’লা তুমি অকাল বিধবা,
