এই পৃষ্ঠাটোৰ বৈধকৰণ হৈছে
( ৫১ )
ৰাজলক্ষ্মী প্ৰসন্না থাকিব;
হিত ব্যতিৰেকে
কোৱা নাই কদাপি অহিত কথা
বালী। সুগ্ৰীৱৰ পক্ষপাতী বুলি
সকলোৱে কয় আপোনাক;
সুগ্ৰীৱৰ হিত চিন্তা অৱশ্যে কৰি
নাই তাত একা আচৰিত।
স্বৰূপানন্দ। কাৰো পক্ষে পক্ষপাতী কথা
ভবা নাই হৃদয়তো মোৰ।
কুল-গুৰু মই
দুয়ো ভাই কুলৰ নন্দন,
বালী সুগ্ৰীৱত নকৰোঁ প্ৰভেদ।
কেৱল হিতৰ অৰ্থে
দিলোঁ মই হিত উপদেশ
সেই বাবে পাৰা তুমি
পক্ষপাতী অৱশ্যে বুলিব।
বালী। নাই যদি অন্য একো কাম
প্ৰণামিলোঁ যুগল চৰণ
যাওঁ মই ৰাজ কাৰ্য্যলৈ।
[ বালীৰ প্ৰস্থান ]
