পৃষ্ঠা:বালীবধ নাটক.pdf/৫৬

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
(৫০)

কোন কাৰ্য্য কৰিম সাধন।
স্বৰূপানন্দ। আহিছিলোঁ তোমাৰ কাৰ্য্যতে,
নকৰিবা মিছা বিসম্বাদ,
ভায়ে ভায়ে বিৰোধ আচৰা
শুনা নাই জ্ঞানীৰ মাজত;
ৰাজ্যৰ নিয়ম মতে
সুগ্ৰীৱই হয় যুবৰাজ,
সেই মতে লোৱা সুগ্ৰীৱক,
কিবা যদি দোষো কৰিছিলে
পালে তাৰ দণ্ড সমুচিত।

বালী। গুৰুদেৱ,
সেই কথা বহুত শুনিছোঁ
আৰু শুনিবৰ ইচ্ছা নাই
আছে যদি অন্য কিবা কাম
ক’লে মোক কৰিম সাধন।
স্বৰূপানন্দ। সেয়ে কথা বীৰবৰ,
ক’লোঁ মই উভয়ৰ হিতৰ কাৰণে।
সন্তোষ দেখিলে,
দুয়ো ভাই থাকিলে সুখেৰে,