এই পৃষ্ঠাটোৰ বৈধকৰণ হৈছে
(৩৭)
নহ'লে এৰিদে তই ৰাজ সিংহাসন,
যা গুচি,—নেথাকিবি কিষ্কিন্ধ্যা দেশত
—দুইৰো যুদ্ধ—
বালী। দুৰাচাৰ, এই বলেৰেই আহি
যুদ্ধ কৰ বালীৰ লগত?
পৰিলিহি মৃত্যুৰ মুখত।
যুদ্ধৰ ক্ষেত্ৰত মই
ভাই বুলি নকৰিম একো অনুগ্ৰহ।
সুগ্ৰীৱ। চিন্তা কৰ ইষ্ট দেৱতাক,
বলেৰে নোৱাৰো যদি
ছলেৰে মাৰিম অজি তোক;
এই তই মৰিলি পামৰ।
( ৰামৰ পিনে চায় )
-দুইৰো যুদ্ধ-
( সুগ্ৰীৱ পৰে )
বালী। কদাপি নবধো মই
সংজ্ঞাহীন মূৰ্চ্ছিত জনক।
পাৰো মই অনায়াসে প্ৰাণ লব তোৰ,
কিন্তু পৌৰুষতা নৰব বালীৰ।
