এই পৃষ্ঠাটোৰ বৈধকৰণ হৈছে
(১৬)
দ্বিতীয় গৰ্ভাঙ্ক।
ঋষ্যমূক পৰ্ব্বত।
সুগ্ৰীব, নল, নীল আৰু জাম্বুবানৰ প্ৰবেশ।
জাম্বুবান।পাৰোঁ আমি ইয়াতে জিৰাব,
হনুমানে অলপতে দিব সমাচাৰ,
কোন সেই চদ্মবেশী বীৰ ৰূপী
দুটি প্ৰাণী পিচে পিচে আহিছে আমাৰ।
নাই ভয় এই পৰ্ব্বতত,—
দুন্দুভীৰ মৃত দেহ পৰিছিলে আহি
এই পৰ্ব্বতত থকা
মতঙ্গ ঋষিৰ আশ্ৰমত;
তাতে ঋষিৰাজে বালীক উদ্দেশি
দিলে এই ঘোৰ অভিশাপ,—
“ষি জনে কৰিলে এই
পূণ্যময় তপস্যাৰ ঠাই
কলুষিত মৃত শৰীৰেৰে
সেই জনে কেতিয়াবা আহি
ঋষ্যমূক-পৰ্ব্বতত দিয়ে যদি ভৰি
