পৃষ্ঠা:বালীবধ নাটক.pdf/২১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
(১৫)

শবৰী। নেজানো ৰাঘৱ লঙ্কা কেনি;
কিন্তু সৌ যে শোভিছে গিৰি
ৰমনীয় গছ গছ-গছনিৰে
তাৰ নাম ঋষ্যমুক,
তাৰ ওচৰতে আছে সুগ্ৰীব নামেৰে
তেজশালী সুৰ্য্যৰ তনয়।
জ্যেষ্ঠ ভাই বালীৰ লগত বিৰোধ আচৰি
সহচৰ সমম্বিতে সুগ্ৰীৱই
কৰিছে বসতি আহি সেই পৰ্ব্বততে;
সুধিলে বাতৰি তেওঁ অৱশ্যে পাৰিব দি
লঙ্কা কেনি জানিব পাৰিবা।
দেৱৰ দেৱতা তুমি জগত ঈশ্বৰ
পাহৰিলা পৃথিবীত সকলো দৈবিক জ্ঞান
নিজে তুমি নেজানা লঙ্কাৰ বাট;
সেই দৰে ময়ো পাহৰিলোঁ।
পৃথিবীত পায় লোপ
অমৰৰ সকলো গৌৰৱ।
ৰাম। ধন্য হোৱা সুদাম নন্দিনী৷
সকলোৰে প্ৰস্থান।

—০:+:০—