এই পৃষ্ঠাটোৰ বৈধকৰণ হৈছে
ফুলৰ চানেকি।
১০২৫
প্ৰতিভাত প্ৰকৃতিত
পুৰুষৰ মিলন-মহিমা;
সৃষ্টিৰ স্বীকাৰ্য্য় ৰেখা
বিস্তাৰিছে,—নাই তাৰ সীমা।
*
সখি মিলনৰ ফল,
কৃষ্ণাৰ্জ্জুন,—গীতা-উৎপতি,—
মানৱাত্মা মুক্তি হেতু
জগতত শ্ৰেষ্ঠ ধৰ্ম্মভেঁটি।
*
দাম্পত্য মিলন চিন্,
পুত্ৰ-ভাৰ্য্যা, জীয়াৰী জোৱাঁই;—
সংসাৰ মিলন নীতি
অযাচিতে তাত ফলিয়ায়।
*
সৃষ্টি-স্থিতি-প্ৰলয়ৰ
সম্বন্ধ নিৰ্ব্বন্ধ গূঢ়তত্ত্ব;
একৰ কাৰণে তিনি,—
বিশ্বপ্ৰাণ,—মিলন মহত্ত্ব।