এই পৃষ্ঠাটোৰ বৈধকৰণ হৈছে
১০১২
ফুলৰ চানেকি।
উষা আৰু চিত্ৰলেখা।
উষা।— অকস্মাৎ কিয়।
হওঁ অধীৰা এনুৱা ! ৰোমাঞ্চিত প্ৰাণ
উঠিছে উতলি; বই পৰে পাৰ ভাঙ্গি
ব্ৰহ্মচৰ্য্য় ব্ৰত মোৰ !
চিত্ৰলেখা।—কিবা হল সখি!
কিয় এনে উত্ৰাৱল?
উষা।— নাজানোঁ, নুবুজোঁ, হাঁয়,
মৰ্ম্মভেদী এটি ৰাগে, অযাচিতে উঠি,
ব্ৰহ্মচৰ্য্য় ব্ৰত মোৰ কৰে চূৰ্ণাকৃত।
—নাপাওঁ তৰণি!
চিত্ৰলেখা।—জানিছোঁ, বুজিছোঁ, সখি।
উষা।— কিবা জানাঁ সখি?
চিত্ৰলেখা।—জানোঁ যিবা, জানা তুমি;
গমি চোৱাঁ আপোনাতে প্ৰকৃতিস্থ হই;—
ৰতিমতী এবে তুমি, মদনপীড়িতা,
প্ৰেমপ্ৰবাহিনী।
উষা।— নুবুজোঁ কি কোৱাঁ তুমি;
কি ঘোৰ সমস্যা।