এই পৃষ্ঠাটোৰ বৈধকৰণ হৈছে
৯৭৬
ফুলৰ চানেকি।
অসীম শকতি তাৰ নৰ-কৌশলত,
নিতে নৱ সৃষ্টি পাতে;
কৌতুহল আগলই, বাঢ়েমানে আগ,
আগলই ৰিঙাই মাতে।
অনন্ত উন্নতি গতি, মহিমা অপাৰ,
সৃষ্টি জুৰি স্থিতি যাৰ,
তাৰে গতি, তাৰে কীৰ্ত্তি, মহাস্থিতি-ৰীতি,
হেৰা, বিজুলি, তোমাৰ।
অভাৱত উৎপন্ যতেক উন্নতি,
বিচাৰা তাকেই তুমি;
দেখাতে অভাৱ ঘন্ ডাৱৰেৰে ঢকা
দুখুনী অসম ভূমি;—
বিজুলীৰ আবিৰ্ভাব উদ্ধাৰ কাৰণ,
জ্বলে ডাৱৰ ভেদাই,
অসম আকাশ জুৰি নৱ জেউতিৰে
দিয়ে পন্থা পোহৰাই।
⸻