এই পৃষ্ঠাটোৰ মুদ্ৰণ সংশোধন কৰা হৈছে
-গীতি-মালা-
( ৮ )
হে’ৰা ৰাধিকা, লাজুকী লতিকা
বাটতে গাগৰি থলা,
যমুনৰ ঘাটতে, মুৰলীৰ মাততে
কাক চাই থমকি ৰ'লা?
তৰুৱা কদমৰ কুঁহি পাত মেলিলে
ফুলা নাই এপাহি ফুল,
যমুনাৰ পানীতে নচা নাই পদুমী
যোৱা নাই ভোমোৰা ভোল।
কাক চাই আউলি হলা ঐ আজলী
কাক চাই বাউলী হ’লা?
কলীয়া কানুৱে বলিয়া বাঁহীৰে
বনগীত এফাকি গাই,
উজুটি খুৱাব খুজিছে গধূলি
গাভৰুক অকলে পাই,
নেলাগে শুনিব বলিয়াৰ বিননি
পানী লৈ ঘৰলৈ বলা••••••৷
—০০—
[ ৪৫ ]
