এই পৃষ্ঠাটোৰ বৈধকৰণ হৈছে
পাপৰি
( ৪২ )
গধূলি বেলিকা য’ত নিদিয়েহি দেখা জোনে
নাঢালে কেনিও ক’তো এধানি কিৰণ,
প্ৰকৃতি নিঠুৰা য’ত— দহে পোৰে অবিৰাম
নবয় এছাটি ক’তো শান্তি সমীৰণ।
( 8৩ )
আছে যদি তেনে ঠাই, নাও খনি বাই বাই
নিতউ তালৈকে’ সখি উটি গুচি যাম,
পদুম নুফুলে তাত, নুফুলে মালতী ফুল,
তোমাৰ চানেকী আৰু তাততো নাপাম!
( 88 )
তোমাৰ শুৱলা সুৰ কোনে দিব সোঁৱৰাই
নাই তাত ভোমোৰাৰ গুণ গুণ স্বৰ,
অপৰূপ ৰূপৰাশি দিব কোনে দেখুৱাই,
নপৰে ৰূপৰ ৰেখা, নাই সুধাকৰ!
[ ১৫ ]
