এই পৃষ্ঠাটোৰ বৈধকৰণ হৈছে
পপৰি
( ৩৯ )
যদিও কাণত বাজে এতিয়াও সেই ধ্বনি
উটি অহা সেই গীত মৃদু-মলয়াত,
অনন্ত অসীম ভেদি যদিওবা আহি স্মৃতি
নিঠুৰ আঘাত কৰে নিৰস হিয়াত;
( ৪0 )
তথাপিও চাম সখি পাৰোনে নোৱাৰো বাৰু
স্মৃতিক ছাঁয়াৰে স'তে পেলাব মোহাৰি, .
উঠিবনে তেতিয়াও বিৰহৰ আৰ্ত্তনাদ
জীৰ্ণ-শীৰ্ণ অন্তস্থল বিদাৰি বিদাৰি?
( ৪১ )
বিশাল বিশ্বত সখি, নাইনে কি এনে ঠাই
নুফুলে মালতী য’ত নেপেলায় কলি,
শুনা নাই নাম য’ত কোনো কালে পদুমৰ
নুফুৰে গুঞ্জৰি য'ত মৌ-লোভী অলি?
[ ১৪ ]