এই পৃষ্ঠাটোৰ বৈধকৰণ হৈছে
পাপৰি
( ৩৬ )
বিলাস, বিভূতি, ভোগী, কতজনে দিনে-ৰাতি
সাতুৰি নাদুৰি যায় সুখৰ সোঁতত,
কতই দুখৰ বোজা দাঙিব নোৱাৰি সখি
আকুলি-বিকুলি কান্দে শোক বেজাৰত!
( ৩৭ )
কতৰ কাতৰ হিয়া সঞ্জীবিত হই উঠে
প্ৰাণসমা প্ৰেয়সীৰ পৰশন পাই,
কতৰ বুকুত জুই দুগুণ তেজেৰে জ্বলে
অকালতে আলসুৱা প্ৰিয়া হেৰুৱাই!
( ৩৮ )
সুখী, দুখী, দীন, হীন, ধনী, দানী, অভিমানী
সবাৰে শিৰেদি বয় শোণিতৰ ধাৰ,
মৰণ পাৰতো সখি, নোৱাৰে মচিব কেঁৱে
যাউতি-যুগীয়া স্মৃতি প্ৰেম-প্ৰতিভাৰ!
[ ১৩ ]
