এই পৃষ্ঠাটোৰ বৈধকৰণ হৈছে
গোঁসানীৰ নাম।
এ দুৰ্গা তাৰিণী এ দুৰ্গতি নাশিনী
দুৰ্গতিক নাশ কৰা ভৈৰৱী ভৱানী॥ (এ দুৰ্গা তাৰিণী এ...)
এ দুৰ্গা তাৰিণী এ শক্তি সনাতনী
শৰণাগতকে ৰক্ষা কৰা নাৰায়নী॥ (এ দুৰ্গা তাৰিণী এ...)
এ দুৰ্গা তাৰিণী এ চাগ পাৰ মহৰ বলী খায়
কৈলাসতে আছিলা ত্ৰিভঙ্গে নাছিলা
মহাদেৱে ডম্বৰু বজায়॥ (এ সদাশিৱ হে...)
দুৰ্গা তাৰিণী এ...)
এ দুৰ্গা তাৰিণী এ অসুৰ বধিতে
অৱতাৰ হৈলা মাতা দেৱতাৰ হিতে॥ (এ দুৰ্গা তাৰিণী এ...
এ দুৰ্গা তাৰিণী এ নামে দশ-ভূজা
সিদ্ধ মুনি দেৱে কৰে চৰণত পূজা॥ (এ দুৰ্গা তাৰিণী এ...)
এ দুৰ্গা তাৰিণী এ ভূৱন ভুলায়
তাপ গুচা শান্ত কৰা ভগৱতী আই॥ (এ দুৰ্গা তাৰিণী এ...)
এ দুৰ্গা তাৰিণী এ এ তৃনয়ণী
তোমাত পৰে সুন্দৰী ত্ৰিভূবনে নাই॥ (এ দুৰ্গা তাৰিণী এ...)
