কেনে আছে অৰুন্ধতী?
ইঞ্জিনিয়াৰিং কলেজৰ অধ্যাপক দেবব্ৰত চলিহা। সোমবাৰে কলেজৰপৰা
আহি পত্নী অৰুন্ধতীৰ সৈতে বেলকনিত বহি চাহ খাইছে। ওচৰৰ "বেবী ক্ৰেডেল"ত
সদ্যোজাত পুত্ৰ সন্তানে পৰম শান্তিত শুইছে।
: জানানে,আজি কলেজত ছাত্ৰ-ছাত্ৰীবোৰ মোক আগুৰি ধৰি শুভেচ্ছা
জনালে। অদ্ভুত ধৰণে প্ৰশ্নও কৰিলে।
: অদ্ভুত ধৰণে মানে?
:মানে, এজনে শুধিলে, - ছাৰ, আপুনি মেডামৰ লগত কেনেকৈ
আপোনাৰ আনন্দ ভগালে? ভাবাচোন, কিমান প্ৰাইভেট প্ৰশ্ন কৰে আজিকালিৰ
ল'ৰা-ছোৱালীবোৰে।
: ইচ্। আপোনাৰ কাৰণেহে প্ৰাইভেট। আপুনি কেচুৱাটোক নোচোৱাকৈয়ে
মোৰ কাষলৈ দৌৰি আহিছিল, মই ভালে আছোনে চাবলৈ, মোক এটা চুমাৰে
অভিনন্দন জনাবলৈ। অৱশ্যে আপোনাৰ ষ্টুডেন্টক ক’ব পাৰিলেহেঁতেন- আমি দুয়ো
ঈশ্বৰক ধন্যবাদ জনালো, জাতীয় কিবা এটা।
: অহ্! তোমাৰ কথাৰ পৰা মনত পৰিছে, ফাইনেল ছেমিষ্টাৰৰ এজন ছাত্ৰই
কেচুৱাৰ নহয়, তোমাৰহে খবৰ ল’লে।
: মোৰ? হাউ চুইট!
: কি সুধিলে জানা ? ছাৰ অৰুন্ধতী কেনে আছে?