এই পৃষ্ঠাটোৰ বৈধকৰণ হৈছে
৯৬
কৰ্ণ পৰ্ব্ব।
এহি বুলি পৰ্শুৰামে কোপে জ্বলিলন্ত।
কৰ্ণক চাহিয়া পাছে গৰ্জি বুলিলন্ত॥ ৫১৪॥
হায়েৰে পাপিষ্ঠ তই অধম দুৰ্জন।
মোৰ অঙ্গীকাৰ আসি কৰিলিহি ছন্ন॥
কৰ্ণ বোলে প্ৰভো মই ৰাধাৰ তনয়।
কৰ্ণ হেন নাম মোৰ জগতে জানয়॥ ৫১৫॥
পৰ্শুৰামে বোলে পাপী কিনে দিল তোৰ।
যাতো তই শিষ্য বেটা আসি ভৈলি মোৰ॥
শিষ্য পুত্ৰ হৈলে কাটিবাৰ যোগ্য নয়।
সি কাৰণে আজি তোক নকটাটিলো মই॥ ৫১৬॥
তথাপিতো শাপ তোক দিওঁ অভিমত।
সময়ৰ শৰ তোৰ নপৰোক মনত॥
সঞ্জয় বদতি শুনিয়োক নৃপবৰ।
সেহি শাপে শৰ পাশৰিলা সময়ৰ॥ ৫১৭॥
যাতো পাণ্ডৱৰ হৰি আপুনি সহায়।
মুহিলে কৰ্ণৰ কোনে উৰৱাইবে চাই॥
কৰ্ণৰ আসিয়া মৃত উপস্থিত ভৈলা।
ধনঞ্জয় বাছি বজ্ৰকুট শৰ লৈলা॥ ৫১৮॥
জাজ্বল্য সমান চণ্ড বায়ু বহ্নি সম।
আসিলা হৰিষে সংহৰিতে যেন যম॥
জন্ম কথা কহো শুনা শৰযে পাতৰ।
যি কালত বৃত্ৰক বধিলা পুৰন্দৰ॥ ৫১৯॥
