এই পৃষ্ঠাটোৰ বৈধকৰণ হৈছে
১২৩
ডাক-ভণিতা।
যদি স্বামী জন দিঠিকৰ হয়।
তেবেসে কৃষিৰ ফল সিজয়।
শীত সৰিয়হ মিত মাহ।
শৰণত নাকাটি বেত বাঁহ॥
ভাদৰ চাৰি আহিনৰ চাৰি।
মাহ বৰ যিমান পাৰি॥
শীত সৰিয়হ মীত মাহ।
গণ্ড যোগত নুৰুইবা বাঁহ॥
তিনি হাত তিনি মুঠি, কোৰৰ নাল।
আঠাৰ মুঠিয়া টোকোন ভাল॥
কাচি খন্তিৰ দুটা মুঠি।
এহি বুলি ডাক গৈলন্ত উঠি॥
——
বৃষ লক্ষণ।
গৰু কিনিবা চিকণ জালি।
দুই চাৰি ছয় দন্তীয়া ভালি॥
হৰিণৰ সমান জিহ্বা কাণ।
হেন বলদ বিচাৰি আন॥
বলদ কিনি বহু বুজিয়া।
বাচি সুধিবা ধোবা তেলিয়া॥
দহ চাৰিত সোধা পোছা।
তেবেসে কিনিবা বলধ গোটা॥
ছয় নব দন্তী ভাগ্যেসে পায়।
সাত দন্তীক দেখি পলাই॥
গাঁৱৰ বলদ নিকটৰ ভুঁই।
ইহাক নেৰিবা জানন্তা হুই॥
জিকাৰু বিছাৰি কিনিবা গাই।
সৰু মুই পাঁচ ডাঙ্গৰী চাই॥
