এই পৃষ্ঠাটোৰ বৈধকৰণ হৈছে
৬৭
হুচৰি নাম
বিহুৱা চৰায়ে কৰে বিহু বিহু
গছৰে ডালতে পড়ি।
আমি যে ৰছকী খুজিছো পঁচকী
ডিঙ্গিতে ঘুনুচা জৰি॥
বিহুৱা চৰায়ে কৰে বিহু বিহু
বীণৰ নলা যেনে মাত।
গছতে লতায়ে হলিছে, জালিছে
ধৰি সেউজীয়া পাত।
——
(২)
হুচৰি বাই ঔ দলৌ চৰাই।
ৰুপ চাৰিটকা তামােল শৰাই॥
হুচৰি বাই ঔ চেপা নিলে চোৰে।
কেনেকৈ নাে পাতিছিলি বাপেৰে পুতেৰে॥
হেচি হেচি পাতিছিলাে চপৰা দলি দি।
চোৰ পেয়েৰে লৈ গল মই কৰিম কি॥
হুচৰি বাই ঔ গৰু নিলে চোৰে।
কেনেকৈ নাে বান্ধিছিলি বাপেৰে পুতেৰে॥
বান্ধিছিলো বান্ধিছিলাে গলগাঁঠি দি।
চোৰ পয়েৰে লৈ গল দাৰে ৰেপ দি॥
হুচৰি বাই ঔ ধন নিলে চোৰে।
কেনেকৈ নাে থৈছিলি বুঢ়ী মানীয়েৰে॥
খৈালা থৈছিলো দুৱাৰ চুকত।
চোৰ বাপেৰে লৈ গল চুৰিয়া কোচত॥
হুচৰি বাইঔ লৰা নিলে চোৰে।
কেনেকৈ নাে শুৱাইছিলি মাৰে বাপেৰে॥
শুৱাইছিলাে শুৱাইছিলো জাপ কাপােৰ দি।
চোৰ পেয়েৰে লৈ গল ঠেংতলে দি॥
