এই পৃষ্ঠাটোৰ বৈধকৰণ হৈছে
সৰাপাহি
দুষ্মন্তৰ প্ৰেম
নহোৱা প্ৰকৃত প্ৰেমীক
তুমি দুস্মন্ত ৰাজন।
দেখি মাত্ৰ ঋষি দুহিতাক
চঞ্চল তোমাৰ মন॥
কেচা দেহৰ কেচা ফুলৰ
পাই সুগন্ধি সুবাস।
শকুন্তলাৰ বাবে মাত্ৰ
তোমাৰ অভিলাস॥
অনাঘ্ৰাত ফুলৰ দৰে
কন্ন মুনিৰ নন্দিনী।
প্ৰানময় প্ৰেমৰ বন্যা
উদ্দিপ্ত মৃগ নয়নী॥
ক্ষন্তেকৰ বাবে তুমি
প্ৰেম কৰি নিবেদন।
মৌ চুহি গুচি গলা
দুষ্মন্ত ৰাজন॥
দিলা তুমি ঋষি বালাক
মিচা চুমা কলঙ্কৰ।
২১
