সপোনৰ দৰে বাস্তবো গুচি যায়

ৱিকিউৎসৰ পৰা
Jump to navigation Jump to search

 সপোনৰ দৰে বাস্তবো গুচি যায়

                    এই আছে

                   এই নাই

                   এই নাচে এই গায়

                   আন্ধাৰতে মিলি মিলি যায় ৷



কত সপোনে আকুলি বিকুলি

                   বিশ্বভুৱন ঘূৰে

          মাটিৰ কোলাত ফুলিবলে’

                   দুৱাৰে দুৱাৰে ফুৰে ৷



নেদেখা সপোন

নুবুজা সপোন

নভবা সপোনবোৰে

মোৰ টোপনিৰ মন চুৰ কৰি

                    তৰাৱলী নিশা উৰে

আজি সপোনৰ ছায়াছবিয়েই

                    কালি দিঠকৰ কায়া

আজিৰ দিঠকে সপোন সাৱটি

                   ধৰে অভিনৱ মায়া ৷৷