শুন শুন ৰে সুৰ বৈৰী প্ৰমাণা
॥ ৰাগ: আশোৱাৰী ॥ তাল: পৰি॥
ধ্ৰুং॥ শুন শুন ৰে সুৰ বৈৰী প্ৰমাণা,
নিশাচৰ নাশ নিদানা।
ৰাম নাম যম-সমৰক সাজি
সমদলে কয়লি পয়াণা॥
পদ॥ ঠাট প্ৰকট পটু কোটি কোটি কপি
গিৰি গৰ গঢ় পদ ঘাৱে।
বাৰিধি তৰি তৰি কৰে গুৰুতৰ গিৰি
ধৰি ধৰি সমৰক ধাৱে॥
হাট ঘাট বহু বাট বিয়পি
চৌগড়ে বেঢ়লি লঙ্কা।
গুৰু ঘন ঘন ঘোষ ঘৰিষণ গৰ্জ্জন
শ্ৰৱণে জনময় শঙ্কা॥
ধীৰ বীৰ শূৰ শেখৰ ৰাঘৱ
ৰাৱণ তুৱা পৰি ঝম্পে॥
সুৰ নৰ কিন্নৰ ফণধৰ থৰ থৰ
মহীধৰ তৰসি প্ৰকম্পে॥
অন্ধ মুগুধ দশস্কন্ধ পাপবুধ
জানকী শিৰত চৰাই।
ৰঘুপতি-পদ-বৰ ধৰ ৰজনী চৰ
শঙ্কৰ কহতু উপাই॥