শুনা নাই যদি নৱঝঙ্কাৰ

ৱিকিউৎসৰ পৰা
Jump to navigation Jump to search

শুনা নাই যদি নৱঝঙ্কাৰ

শুনা নাই যদি জন হুঙ্কাৰ

তই

হে মোৰ অহঙ্কাৰ

আপোনাতে তই আপুনিয়ে জহি

হৈ যাবি চাৰখাৰ

হে মোৰ অহঙ্কাৰ ৷


চকুপানীৰ মত্ত প্ৰলয়, অহা দেখিছনে নাই,

গাঁও-ভুঁই, সৌ নগৰ-চহৰ, সোঁতে নিয়ে

উটুৱাই, দুৰ্নিবাৰ ঢৌৱে ঢৌৱাই ৷


সেই প্ৰলয়ৰ তীৰ্থজলত

কৰাহি পুণ্যস্নান

গা, জন জীৱনৰ

নৱ পোহৰৰ

আগেয়ে নোগোৱা গান ৷

পাবি নতুন প্ৰাণ ৷৷