শত যুগৰ শত চাকি
শত যুগৰ কত চাকি
জ্বলাই আহিলি,
আপোনাৰ আনন্দতে নিজে হাঁহিলি,
নিজৰ তই চকুপানী নিজে মচিলি ৷
শিল্পী মোৰ মনৰে তই...
শিল্পী মোৰ প্ৰাণৰে তই...
শিল্পী মোৰ গানৰে
সুৰৰে
ছবিৰে
ৰূপৰে তই জুই জ্বলালি
নিত্য নতুন হবিৰে
চিনাকি তোৰ যুগ যুগৰে
ৰবিৰে ৷
আজিৰ দিনা
নেমানি মনা
সখি পতালি
বিপ্লৱী মোৰ কৱিৰে ৷
আজি জাগিল জন শতাব্দী
আহ অ’ যত আলোকবাদী
অপ্ৰমাদী
পোহৰৰে
জোনাকী বসন্ত জগাই,
জ্বলা, জ্বলা
শিল্পী অ’ মোৰ
বিশ্বদীপালী
জ্বলা ৷৷