মোৰ আজি সন্ধিয়াৰ গানৰ

ৱিকিউৎসৰ পৰা
Jump to navigation Jump to search
মোৰ আজি সন্ধিয়াৰ গানৰ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মোৰ আজি সন্ধিয়াৰ
          গানৰ কথা
প্ৰাণেৰে মনেৰে সুৰেৰে গঁথা,
গোপনৰ বাণী----
মৰমেৰে সানি
          গানতে মিলাই গালে
          উলিয়াব জানো তোৰ
                   চকুৰ পানী?
আকুল ই কণঠৰ গানে
          কব জানো তোৰ কাণে কাণে
                   মোৰ হিয়া নিজানৰ
                             নুফুটা ব্যথা?
                   মোৰ আজি সন্ধিয়াৰ
                             গানৰ কথা----
                             প্ৰাণেৰে মনেৰে সুৰেৰে গঁথা৷৷