মহামানৱ (মহাভাৰতত উপনিষদৰ দিনত)

ৱিকিউৎসৰ পৰা
Jump to navigation Jump to search

লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.

মহাভাৰতত

উপনিষদৰ দিনত

মানুহৰ আধ্যাত্মাৰ প্ৰথম প্ৰভাতত

নৱ এক অভিনৱ আলোক – সম্পাতত

                                      জন্ম মোৰ ;

              সেই জ্যোতিৰেখা নিৰখি নিৰৱধি

গায়ত্ৰী মন্ত্ৰ গান গাই

ঐতিহ্যৰ আন্ধাৰে আন্ধাৰে

মহা এক সৌন্দৰ্য্যৰ ৰিণিকি ৰিণিকি দেখি

                                      বিশ্বজোৰা ছবি ৷

পাৰ হৈ আহি আছোঁ

              উত্থান-পতন ভেদি---

আদি-বৰ্ত্তমানৰ পৰা দূৰ-বৰ্ত্তমানলৈ

মহাযাত্ৰা কৰি---

অমৃতৰ সন্তান মই

আজি মোৰ পূৰ্ণ যৌৱন ৷