মই জনতাৰ প্ৰাণে প্ৰাণে

ৱিকিউৎসৰ পৰা


মই, জনতাৰ প্ৰাণে প্ৰাণে
                   শিল্পী দেখিলোঁ
          সেই গুণেহে গানৰে মাতিলোঁ৷

জনতা মনৰ
জনতা প্ৰাণৰ
                   শিল্পী আজি জাগে
                   জোনাকী বাটৰ বাটৰুৱাৰ
                             আহি লগ লাগে
                   কলাময়ী মহাজীৱনত
                             আপোন প্ৰকাশ মাগে৷
আজি জনতাৰ মহাশিল্পী
                             প্ৰকাশলৈ
                             বিকাশলৈ যায়
                             আকাশলৈ চায়৷

আন্ধাৰ নিশা দেখা সপোন
                             বিশ্ব-পুৱাৰ পোহৰ পাই
          আঁকিবলৈ লেখনী উলিয়াই
                                      লোৱা দেখিলোঁ
          সেই গুণেৰে গানেৰে মাতিলোঁ৷৷