মই গান নিলিখা দিনবোৰে

ৱিকিউৎসৰ পৰা
Jump to navigation Jump to search
মই গান নিলিখা দিনবোৰে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


মই গান নিলিখা দিনবোৰে
             সপোন নেদেখা---
                        ৰাতিৰে
                            লগ লাগিলে৷
আন্ধাৰ পোহৰ মিলি মিলি
বগা ক’লা ফুটুকীয়া মউৰা হৈ
             জ্বলি উঠিলা
             ঠেও ধৰি অভিমানৰ
                        নাচ নাচিলে
নাচি নাচি হালি জালি
             আন্ধান পোহৰৰ চালি ধৰিলে
                      সপোন মাগিলে মোৰ
                      ঘূৰি ঘূৰি গান মাগিলে৷৷