বোৱাঁ বোৱাঁ দখিণ মলয়া

ৱিকিউৎসৰ পৰা
Jump to navigation Jump to search
বোৱাঁ বোৱাঁ দখিণ মলয়া
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


বোৱাঁ বোৱাঁ দখিণ মলয়া, তটিনী গোৱাঁ৷

সমীৰণে আহি পৰাণ জুৰালে আ--হা৷

          কোন নন্দনত পাৰিজাত ফুলে

                বিলাই সুৰভি বিয়াকুল কৰে৷

          কোন তটিনী বয়, কুলু কুলু কুলু

                কুলু কুলু কুলু

                কুলু কুলু কুলু কই

নিজৰি, নিজৰি, নিজৰি, নিজৰি কোন সুৰে

                             গান গাই৷
প্ৰাণ মতলীয়া কৰা আলসুৱা ই কিনো মায়া,

                             ই কিনো মায়া৷৷