বাৰিষাৰ বৰষুণ

ৱিকিউৎসৰ পৰা
Jump to navigation Jump to search
বাৰিষাৰ বৰষুণ
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


বাৰিষাৰ বৰষুণ,
          কিনো কৱ গুণগুণ
          কিনো গাৱ ৰুণৰুণ
          কি বজাৱ জুন্‌জুন্‌
                 বাৰিষাৰ বৰষুণ
আকাশত পাখি মেলি
                 উৰি ফুৰা আশাই
          জীৱনৰ
          সপোনৰ
                 কয়নে কিবা কথা
                          ধাৰাসাৰে
                                নামি অহা ভাষাই ভাষাই৷

                 তোৰ বিননিত মই
                          এটি শবদীয়া ভাষা
                                বাৰে বাৰে শুনো
                          তাকে লেখি তাকে পঢ়ি শুনো৷
                                জিৰজিৰ নতুন
                                ঝৰঝৰ নৰুন
                                কৰকৰ নতুন
                                ধৰধৰ নতুন
                          গছ-বন নতুন
                          ফুল-ফল নতুন
                 তাকে দিয়
                 তাকে কৱ
                          বাৰিষাৰ বৰষুণ
                          কিৰিষিৰ বৰষুণ
                          হৰিষৰ বৰষুণ
                          বাৰিষাৰ বৰষুণ৷৷