বসন্ত তোৰ লেখনীডালি

ৱিকিউৎসৰ পৰা
Jump to navigation Jump to search
বসন্ত তোৰ লেখনীডালি
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


বসন্ত তোৰ লেখনীডালি
          মোক দি যাবি জানো?
সেই লেখনীৰে ভাষা ফুলনিত
          অময়া বৰণ সানো৷
পৃথিৱী পুঠিৰ
যুগৰ পাতত
          তই যে আঁক ছবি
ভাষাই ভাষাই ৰূপ চৰোৱা
          মই যে নতুন কবি,
মোৰ লেখনীত তোৰ লেখনীৰ
          স্বৰূপ প্ৰকাশ পাওক
নেদেখা আৰু দেখা কৰিব
          জগতেই গান গাওক৷৷