বন্ধু সুন্দৰ, তোৰ পদুম ফুলীয়া

ৱিকিউৎসৰ পৰা
Jump to navigation Jump to search
বন্ধু সুন্দৰ, তোৰ পদুম ফুলীয়া
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


বন্ধু সুন্দৰ,
তোৰ পদুমফুলীয়া
                চৰণ পাহিত
        মোৰ অগ্নি বেজাৰৰ
                যেতিয়া থলোঁ
                        মোৰ দুটোপা
                                হীৰা উজালা
                                       তপত চকুপানী,
তোৰ মহামৌন ওঁঠ দুখনিৰ
        বিশ্বমোহন হাঁহিৰ
                অগ্নিবৰণ
                        দিলি মোৰ
                বগা কপালত সানি৷

সেই ইন্দ্ৰধনু পিন্ধি মই
        আগবিঢ়িছো বিশ্বসভালৈ
                সেই মহাসভাৰ গান ৰচিছোঁ
                        তোৰ পূজালৈ৷
বন্ধু সুন্দৰ!!