ফুলৰ পাহিত কোনে

ৱিকিউৎসৰ পৰা
Jump to navigation Jump to search
ফুলৰ পাহিত কোনে
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


ফুলৰ পাহিত
কোনে থৈ গলি
        এটুপি চকুৰ পানী
পুৱাৰ পোহৰে
        আহি চুমা খালে
                 বেলিৰ মৰম সানি
চুমা-চেনেহতে পমি নাইকীয়া হ’ল
        বেজাৰে মৰমে
                 দুয়ো লগে লাগি
                 থিতাতে ময়াপী ইযে কি আপুনি
                          আলাসতে উৰি গ’ল৷
          বেজাৰৰ সোণতে মৰম মুকুতাইয়ে
                          আলসুৱা ৰূপ ধৰে
          চকুলোটুপিয়ে পোহৰে উমলি
                          পৃথিৱী ধুনীয়া কৰে ৷৷