ফুলাম পালৰ নাও

ৱিকিউৎসৰ পৰা
Jump to navigation Jump to search
ফুলাম পালৰ নাও
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
জ্যোতি সংগীত


ফুলাম পালৰ নাও
          সোৱণশিৰীৰ
                   ৰূপৰ পানীত বাওঁ
ঘাটে ঘাটে খন্তেক ৰখাওঁ
        মনত ফুলা সোণপাহীৰ
                সুৰভি বিলাওঁ৷

বাটত ঘাটত
দুয়ো পাৰত
        কোন কোন, ক’ত আছ’
সেউজী বনত মৰম বিলাই
                পখিলা পাখি
                ওৰণি পিন্ধি
                বিজুলি নাচ নাচ’
                          সোনকালে আহ্‌
                                  যাওঁ
                তেৰ নদীত যি নাপালোঁ
                কিজানিবা তাক বিচাৰি
                          সাত সাগৰত পাওঁ৷৷