অকণমানিৰ প্ৰাৰ্থনা

ৱিকিউৎসৰ পৰা
(পোহৰ দিয়া, পোহৰ দিয়াৰ পৰা পুনঃনিৰ্দেশিত)
Jump to navigation Jump to search
অকণমানিৰ প্ৰাৰ্থনা
লেখক জ্যোতিপ্ৰসাদ আগৰৱালা
Wikimedia-logo.svg আৰু চাওক প্ৰবন্ধ.
আগৰৱালাদেৱে ৰচা শিশু-কবিতা; তামোলবাৰী

পোহৰ দিয়া, পোহৰ দিয়া

                   আৰু পোহৰ দিয়া

মনৰ আন্ধাৰ আঁতৰ কৰি

                   আলোকলৈ নিয়া ৷



সদায় সঁচাত থাকিবলৈ

                   মনত দিয়া বল,

আমাৰ হিয়াত জ্বলোক তোমাৰ

                   জ্যোতি জল্‌মল্‌ !



সুন্দৰ তুমি য’তে আছা

                   আমাক মৰম দিবা,

সোণপুৱতি বেলিৰ আঁৰত

                   থাকি হাঁহিবা ৷



তৰা-জোনৰ সিপাৰতো

দূৰতকৈও দূৰণিতো

                   আমাক হলে নাপাহৰিবা ৷



যাম কোন ফালে পৃথিৱীখনত

কৈ যাবা আহি ৰাতি সপোনত

          নজানা-নিবুজা সকো কথা

                   শিকাই-বুজাই যাবা ৷



সুন্দৰ তুমি নেদেখাৰে পৰা

                   আমাৰ সেৱা লবা

                   আমাৰ সেৱা লবা

                   আমাৰ সেৱা লবা ৷