পৃষ্ঠা:Dihanamorhombhar2010.pdf/৩৫

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
৩৫
দিহা নামৰ সম্ভাৰ

পদঃ-

শুনিয়োক সৰ্ব্বজন কৃষ্ণত অৰ্পিয়ো মন
 মহাভাগৱত কথাসাৰ।
ইসে পূৰাণৰ সূৰ্য  ভকতি প্ৰকাশক
 সমস্তে শাস্ত্ৰৰো সাৰোদ্বাৰ॥
শুনা আৰু তত্বভ্যে  কল্পতৰু ভৈলা বেদ
 তাৰ ফল মহাভাগৱত।
নাহি সাৰ সিঠাছাল  নাছিলেক অতকাল
 স্বৰ্গ-মৰ্ত্ত পাতাল মধ্যত॥
স্বাদত আনন্দময় কেৱলে আনন্দ ৰস
 পূৰ্ব্বত আছিল বৈকুণ্ঠত।
কৃষ্ণৰ কৃপাত পাছে  অৰ্দ্ধেক বয়স গৈলে
 পাইলে ব্ৰহ্মা পদ্ম কলপত॥
ব্ৰহ্মাই দিলা নাৰদক  ইটোফল ৰহস্যক
 নাৰদে বাসক আনি দিলা।
তিলেক নগৈল ভাগি  ইডালে সিডালে লাগি
 শুক মুখে ভূমিত পৰিলা॥
কৰা পান ফল ইটো  যাৰ ভাগ্য আছে যিটো
 ৰস বিভাৱনত চতুৰ।
সাধু সঙ্গ যত্ন কৰি  কৰ্ণে কৃষ্ণ কথা ভৰি
 সমস্ত আপদ কৰা দূৰ॥
মাধৱেসে পিতা মাতা  ভকত অভয় দাতা
 মাধৱতে বিনে আন নাই।