এই পৃষ্ঠাটোৰ বৈধকৰণ হৈছে
৫৩
ৰুদ্ৰ যামল ৷
বিংশতি অধিক শত বৰিস প্ৰখ্যাত।
পালিবেক বহু প্ৰজা নাহিকে ইহাত॥
পাছে তাৰ হন্ত আয়ু হৈবে সমাপতি।
সান্তানু সদ্গতি ভোগ কৰিবোক আতি॥
হৈব সাত পুত্ৰ তাক লোকে নসহিব।
সাত খণ্ড কৰি ৰাজ্য বিভাগীয়া দিব॥
বহুত্তৰ বিপ্ৰ সবে মন্ত্ৰণা কৰিব।
মন্ত্ৰনা কৰিয়া মহন্তক দুঃখ দিব॥
মহন্তক পীড়িবেক লঘু অহঙ্কাৰ।
ন হৈবেক তাত হৰি ভক্তিৰ প্ৰচাৰ॥
অল্প আয়ু অল্প সত্য হৈব ধৰনীত।
পাপে আগ্ৰহিব লোক হৈবেক বৰ্জ্জিত॥
কহিলোঁহোঁ শূদ্ৰ কলা তোমত পাৰ্ব্বতী।
আৰো কিবা সুধিবাক আছে তোৰ মতি॥
শুনি বন্ধু জন লৈবা কথাৰ প্ৰমাণ।
ভবানীত হৰে কহি আছে বিদ্যমান॥
হৰি নাম বিনে ৰাজা সবে প্ৰজা যত।
বিফলে সবাৰে আয়ু হোৱে সমাপত॥
অস্থায়ী জীৱন ধন যৌৱন যতেক।
জানি আক পৰিহৰা কৰিয়ো প্ৰত্যেক॥
বোলয় পুরুষোত্তম এড়ি আন কাম।
সুখে, দুখে মুখে নচাৰিবা ৰাম নাম॥
______
