এই পৃষ্ঠাটোৰ বৈধকৰণ হৈছে
১২
ৰাম-মালিকা৷
পৰম ঈশ্বৰ হৰি কৃপাৰ সাগৰ।
অন্তৰ্য্যামী রূপে ব্যাপি আছা নিৰন্তৰ
আপুনি ঈশ্বৰ আসি হৈয়া অবতাৰ।
অনুকুল হৈয়া ভক্তি কৰন্ত প্ৰচাৰ॥
⸺⸺
ঈশ্বৰ নিৰ্ণয়।
ঈশ্বৰক চিনি বাহা কৰিয়া নিৰ্ণয়।
ব্ৰহ্মা বিষ্ণু হৰে যাৰ চৰণ চিন্তয়॥
তাহাঙ্ক ঈশ্বৰ বুলি ভাগৱতে কয়।
বেদ শিৰু ৰত্নে যাক সদা উপাসয়॥
ব্ৰহ্মা বিষ্ণু হৰে সেই শক্তি পুৰুষৰ।
এতেকেসে উপাসয় চৰণ কৃষ্ণৰ॥
ঈশ্বৰক চিনিবাক এতেকে লাগয়।
তাঙ্ক নিচিনিয়া পাপী সংসাৰে ভ্ৰময়॥
সবে লয় যাই সেই ব্ৰহ্মৰ শৰীৰে।
আন দেৱতাক সেউৱা কৰি তভো মৰে॥
পুৰুষ প্ৰকৃতি হৰি প্ৰকৃতিতো পৰ।
স্ৰজন পালন আদি অন্ত জগতৰ॥
ভকত বৎসল দেৱ দৈৱকী নন্দন।
ব্ৰহ্মা-বিষ্ণু সেবে নিতে তাহান চৰণ॥
