এই পৃষ্ঠাটোৰ মুদ্ৰণ সংশোধন কৰা হৈছে
৩৫
ধনীৰামৰ ধন।
(২৫)
আটায়ে বুলিলে- “হয় হয়,’’
জানোচা ইদৰেই মুক্তি হয়,
পানীয়ে পানীয়ে ইদৰে গৈয়েই
কি জানি তীৰ্থ পায়;’’
বোলা ৰাম ৰাম আল্লা আল্লা
মেধি তীৰ্থলৈ যায়।
⸺
বুঢ়াৰ উপদেশ।
“বৃদ্ধস্য বচনং গ্ৰাহ্যমাপৎকালে হ্যপস্থিতে।”
ঘোষা।-বুঢ়া হোৱা ভাই, একে চোঁচাই
কেচুৱা কালটো এৰি;
কিয়নো মাজৰ ডেকা কালটো
সকলো কষ্টৰ গুৰি।
(১)
স্কুল-কলেজত পঢ়িব লাগে
ডেকা হবলই গ'লে;
পণ্ডিতৰ চেকনি পিঠিত ছিগে;
পঢ়িব নোৱাৰিলে।
