এই পৃষ্ঠাটোৰ বৈধকৰণ হৈছে
৩৩
স্তুতিমালা
দিয়া সজ জ্ঞান কৰা পৰিত্ৰাণ ইত্যাদি...॥
আজি দেখোঁ আই শ্মশানৰ প্ৰায়
পৱিত্ৰ ভাৰত ভূমি;
ভূতৰ ভাৱন পতিতপাৱন
শঙ্কৰকো মাতোঁ আমি।
মিলি হৰ গৌৰী বিষ্ণু নাশ কৰি
উদ্ধাৰা জনমভূমি।
দিয়া সজ জ্ঞান কৰা পৰিত্ৰাণ
দাসত্ব কৰা মোচন;
দোষ পৰিহৰি শঙ্কৰ শঙ্কৰী
স্বৰাজ কৰাহে দান॥
মহেশ্বৰ স্তোত্ৰ।
পূৰ্বজন্ম-কৰ্ম্ম-ফলে মাতৃগৰ্ভ-গৰ্ভ-বাস-কালে
বহু দুখ ভুঞ্জিলোঁ অপাৰ;
তথাপিও দুখ পাই শঙ্কৰক ভজা নাই
ক্ষমা কৰা দেৱ মহেশ্বৰ।
শিশুকালে অল্পমতি স্তনপানে সদা ৰতি
নাই কতো জ্ঞানৰ পোহৰ;
ৰাগে শোকে দুখ পাই শঙ্কৰক ভজা নাই
ক্ষমা দোষ দেৱ মহেশ্বৰ।