এই পৃষ্ঠাটোৰ বৈধকৰণ হৈছে
লক্ষ্মী-স্তুতি।
মহামায়া মহালক্ষ্মী
সুৰৰ পূজিতা;
শঙ্খ-চক্ৰ-গদা হস্তে
জগত বন্দিতা।
নাৰায়ণ সঙ্গে সদা
গৰুড়ত চৰা;
মহাপাপ হন্তে তুমি
পাতকিক তাৰা।
বৰ দান কৰা তুমি
দুখ কৰা নাশ;
মুক্ত কৰা জীৱ সবে
কাটি মায়াপাশ।
আদ্যা শক্তি যোগমায়া
মহেশ্বৰী দেবী;
মুক্ত হয় সিদ্ধগণ
তযু পদ সেবি।
স্থূল সূক্ষ্ম সৰ্ব্বৰূপা
ব্ৰহ্ম স্বৰূপিণী;
দেবগণে স্তুতি কৰে
জুৰি দুই পাণি।