এই পৃষ্ঠাটোৰ বৈধকৰণ হৈছে
[৭২]
গোঁসাইৰ আদেশ, কৰিতে লাগয়,
তোমাক নকৰো ভয়।
আপোন পৱনে, বেগে লৰিলন্ত,
পক্ষিৰাজ মহাশয়॥
প্ৰয়াগক লাগি, শিৰে লৈয়া যাওঁ,
ভৃঙ্গী ভেটিলেক বাট।
ক্ৰোধে কম্পমান, হৰিৰ বাহন,
মাৰিলন্ত পাখ ছাট॥
গৰুড় পখীৰ, পথাৰ ছাটিত,
ভৃঙ্গীক নিলে উৰাই।
যহিতে আছন্ত, উমা মহেশ্বৰ,
তহিতে পৰিল যাই॥
⸻
পদ।
হেন শুনি সদাশিৱ আতি ক্ৰোধ মন।
বৃষভক সম্বোধি মাতিল তেতিক্ষণ॥
হৰৰ আদেশে বৃষভ গৈল ধাই।
মাতিবে লাগিল গৰুড়ৰ মুখ চাই॥
ওবা পক্ষিৰাজ তুমি শিৰ গোট থৈয়ো।
গোসাইৰ আদেশ মোক আনি শিৰ দিয়ো॥
পথা ছাটে ভৃঙ্গীক উৰাই পাইলা গহ।
প্ৰাণক ৰাখিয়া তুমি শিৰ গোট দেহ॥
